Wednesday, February 24, 2010

ആറാം തമ്പുരാനും ആറാം ഇന്ദ്രിയവും

കാര്യങ്ങള്‍ കണ്ടറിയാനും കേട്ടറിയാനും തൊട്ടറിയാനുമൊക്കെയുള്ള sense, sensibility & sensitivity ഒക്കെ മമ്മൂട്ടിക്ക് മാത്രമല്ല നമുക്കുമുണ്ട്. എന്നാല്‍ സുകുമാര്‍ അഴീക്കോടിനു മറ്റൊരു കഴിവ് കൂടിയുണ്ട്. അതാണ്‌ sixth sense. ആറാം ഇന്ദ്രിയം. അഴീക്കോടില്‍ ഈ അപൂര്‍വ കഴിവ് പ്രവര്‍ത്തിച്ചു തുടങ്ങിയത് മാസങ്ങള്‍ക്ക് മുമ്പാണ്. ഒരു ജീവിയും സ്വന്തം കൂട് വൃത്തി കേടാക്കരുതെന്നു പറഞ്ഞതും മുഖ്യമന്ത്രി "ജീവി" എന്ന പദം "പട്ടി"യായി തെറ്റിദ്ധരിച്ചതും വിവാദമായിരുന്നല്ലോ. താന്‍ പറഞ്ഞത് ജീവി എന്നാണെങ്കിലും ഉദ്ദേശിച്ചത് പക്ഷി ആണെന്നും, മുഖ്യ മന്ത്രിക്കു സാഹിത്യ ഭാഷ മനസ്സിലാവില്ലേ എന്നും അഴീക്കോട്സാറ് ചോദിച്ചത് നാം കേട്ടതാണ്.

Thursday, February 18, 2010

പോക്കര്‍ മാഷിന്‍റെ സാമൂഹ്യ പാഠം

ഒന്‍പതാം ക്ലാസ്സില്‍ ഞങ്ങളുടെ ക്ലാസ് മാസ്റ്ററായിരുന്നു  പോക്കര്‍ മാസ്റ്റ്.  എന്‍റെ അറിവില്‍ മീന്‍ പിടുത്തമാണ് മാസ്റ്ററുടെ ഒരേ ഒരു ഹോബി. എന്‍റെ വീട്ടില്‍ നിന്നും ആറേഴു കിലോ മീറ്റര്‍ ദൂരെയാണെങ്കിലും മാഷ്‌ ഇടയ്ക്കു വീട്ടില്‍ വരും. കാരണം ചാലിയാറിലേക്ക് ഒഴുകിയെത്തുന്ന അനേക ചെറു പുഴകളില്‍ ഒന്ന് എന്‍റെ വീട്ടിനടുത്താണ്. ചെറു പുഴയ്ക്കു കുറുകെ വലയിട്ടു നഞ്ഞു (വിഷം) കലക്കുകയാണ് മാസ്റ്ററുടെയും സംഘത്തിന്‍റെയും മീന്‍ പിടുത്തത്തിന്‍റെ ഒരു രീതി. പുഴയില്‍ അന്നേ വരെ പിറന്നതും പിറക്കാനിരിക്കുന്നതുമായ സകല മത്സ്യങ്ങളും മാസ്റ്ററുടെ വരവോടെ പരലോകം പൂകും.

മാസ്റ്ററുടെ വരവ് എന്‍റെ ബാപ്പക്ക് വലിയ സന്തോഷമാണ് . സ്കൂള്‍ വരെ പോകാതെ മകന്‍റെ "പഠന നിലവാരം" ചോദിച്ചറിയാം.  എന്നെക്കുറിച്ച് "നല്ല" കാര്യങ്ങളേ മാസ്റ്റര്‍ക്ക് പറയാന്‍ കാണൂ.  ഞാന്‍ നാന്നാവാന്‍ ഒരു സാദ്ധ്യതയുമില്ലെന്നു കണ്ടു പിടിച്ചതും ബാപ്പയോട് തുറന്നു പറഞ്ഞതും  പോക്കര്‍ മാസ്റ്റാണ്.  അതുകൊണ്ട് തന്നെ ‍ രാത്രിയിലുള്ള  ഈ  സംഘത്തിന്‍റെ  വരവ് എനിക്ക്   തീരെ  പിടിക്കാറില്ല.

Monday, February 1, 2010

പ്രവാസിയുടെ മണവാട്ടി


ഈ സ്പ്രേക്കെന്താ പോത്തിന്‍റെ മണം ?

അത് എന്റെ സുഹൃത്തിന് കൊടുക്കാനാണ്. 
അവിടെ വെച്ചേക്ക് 

ഈ ആടിലി പൌഡര്‍ ഇച്ചി മാണ്ട. ഇങ്ങക്ക് റോയല്‍ മേരെജ് മാങ്ങ്യാ പോരായ്ന്യോ ?

നഫീസേ. അത് ആടിലിയും യാടിലിയും ഒന്നുമല്ല. റൈഡ് സ്പ്രേ ആണ്. കൂറയെ കൊല്ലാനുള്ള സ്പ്രേ.